Президент кадр даярдоо маселесине токтолду

Бишкек, 20.12.24./ Диана Айдарова - Кабар/. Президент Садыр Жапаров III Элдик курултайдын жүрүшүндө кадр даярдоодо маселесине токтолду.

Мамлекет башчынын айтымында, СССР убагында бул маселеге өзгөчө көңүл бурулган. Союз кулагандан кийин кадр маселеси негизги көйгөйгө айланган.

"Ошондуктан биз "Акылман" лицейин ачтык, анда эң акылдуу балдар окуп жатышат. Учурда лицейде 140ка жакын окуучу билим алат. "Акылманды" аяктагандан кийин бул балдар чет өлкөдөн билим алышат. Бирок андан кийин мамлекетибиздин кызыкчылыгы үчүн иштөө шарты коюлат", - деди президент.