Президент Садыр Жапаров жергиликтүү кеңештерге депутаттарды шайлоодо добуш берди

Бишкек, 17.11.24. /Кабар/. Президент Садыр Жапаров бүгүн Бишкек шаарындагы №1046 шайлоо тилкесинде добуш берди.

Белгилей кетсек, бүгүн Кыргызстанда жергиликтүү кеңештерди шайлоо өтүүдө. Саясий өнөктүккө карата өлкө боюнча 2437 шайлоо участкасы ачылды. Ошондой эле жалпы 10 шайлоо участкасында аралыктан добуш берилүүдө.

БШКнын маалыматына таянсак, жергиликтүү кенештердин депутаттарын шайлоо үчүн шайлоочулардын жалпы саны 4 135 039, анын ичинде эркектер - 2 000 528 (48,38%), аялдар - 2 134 511 (51,62%) түзөт.

Жалпысынан 33 шаардык кеңеште 993 депутат жана 231 айылдык кеңеште 5391 депутат шайланат.