Президент Садыр Жапаровдун дарегине жаңы жылга карата куттуктоолор келип түшүүдө

Бишкек, 31.12.24. /Кабар/. Президент Садыр Жапаровдун дарегине жаңы жылга карата куттуктоолор келип түшүп, тизме улам жаңыланууда.

Германия Федеративдүү Республикасынын президенти Франк-Вальтер Штайнмайер Кыргыз Республикасынын президенти Садыр Жапаровду жаңы жылы менен куттуктап, тынчтык жана бактылуу жыл болушун каалады.

Муну менен катар Норвегиянын Королу Харальд V президент Садыр Жапаровду жаңы жыл менен куттуктоо телеграммасын жөнөттү.

Ошондой эле Египеттин президенти Абдель Фаттах Аль-Сиси , Ирандын президенти Масуд Пезешкиан, Польшанын президенти Анджей Дуда, Беларустун президенти Александр Лукашенко, Азербайжандын президенти Ильхам Алиев, Түркмөнстандын президенти Сердар Бердымухамедов жана Армениянын премьер-министри Никол Пашинян куттуктоо телеграммаларын жөнөтүшкөн.

Россия өкмөтүнүн төрагасы Михаил Мишустин, Россиянын президентинин Администрациясынын Жетекчисинин орун басары Дмитрий Козак, БУУнун Башкы катчысынын Борбор Азия боюнча атайын өкүлү Каха Имнадзе жана Казакстандын туңгуч президенти Нурсултан Назарбаевдер да жөнөтүштү.