Президент Сооронбай Жээнбеков бүгүн Чүй облусун кыдырат

Бишкек, 06.02.20. /Кабар/. Кыргыз Республикасынын президенти Сооронбай Жээнбеков өлкөнүн аймактарына жумушчу сапарын улантууда.

Бүгүн, 6-февралда, Мамлекет башчысы жумушчу сапары менен Чүй областына барат. Бул тууралуу президенттин аппаратынын маалыматтык саясат бөлүмү билдирет.

Жумушчу сапарынын жүрүшүндө Ысык-Ата районунун жашоочулары менен жолугушууну өткөрөт.

Ошондой эле Сооронбай Жээнбеков кайра иштетүүчү жана айыл чарба ишканаларынын ишмердиги менен таанышат.