Бишкек, 30.10.23. /Кабар/. Жалал-Абад облустук ички иштер башкармалыгында жаӊы автоунаалар, атайын наамдар жана медалдар тапшырылды. Бул тууралуу милициядан билдиришти.
Маалыматка ылайык, 26-октябрь күнү президент Садыр Жапаров Жалал-Абад шаарына болгон иш сапары учурунда облустук милицияга 7 автоунаанын ачкычтарын тапшырган.
Бүгүн, 30-октябрда Жалал-Абад ОИИБдин башчысы Жеӊишбек Абитов жаӊы автоунаалардын ичинен 1 “Тойота Королла” үлгүсүндөгү автоунааны Жалал-Абад ОИИБдин Ардагерлер кеӊешинин төрагасы Капарбек Исаковго, 2 “Тойота Королла” үлгүсүндөгү автоунааны Жол кыймылынын коопсуздугун көзөмөлдөө башкармалыгына, 4 “Мерседес Спринтер” үлгүсүндөгү автоунааларды Кайгуул-күзөт кызматына тапшырды.
Мындан сырткары, жаӊыдан дайындалган кызматкерлер өздүк курамга тааныштырылып, атайын наамдар ыйгарылды.
Ошондой эле кыргыз милициясынын түзүлгөндүгүнүн 99 жылдык мааракесине карата уюштурулган волейбол боюнча мелдеште 2-орунду багындырган ИИМдин Атайын багыттагы полкунун Жалал-Абад шаарындагы өзүнчө ротасынын кызматкерлери медаль жана дипломдор менен сыйланышты.
Пикир
Оставить комментарий