Президенттик шайлоо. Кыргызстанда саат 10:00гө карата 99 миң 772 жаран добуш берди

Бишкек, 10.01.21. /Адил Төлөгөнов - Кабар/. Кыргызстанда саат 10:00гө карата президенттик шайлоодо 99 миң 772 жаран добуш берди. Бул тууралуу Бишкектеги маалымат жыйында Борбордук шайлоо комиссиясынын төрайымы Нуржан Шайлдабекова билдирди.

Анын айтымында, саат 10:00гө карата президенттик шайлоодо добуш бергендердин саны жалпы шайлоочулардын 2,8%ын түзөт.

Аймактар боюнча алганда:

- Ош шаарында - 5,75%
- Ысык-Көл облусунда - 3,1%;
- Бишкекте - 3,11%;
- Жалал-Абад облусунда - 2,57%;
- Нарын облусунда - 2,76%;
- Ош облусунда - 2,89%;
- Талас облусунда - 2,4%;
- Чүй облусунда - 2,16%;
- Баткен облусунда - 2,42%.