Бишкек, 29.07.21. /Кабар/. Кыргыз-Россия Славян университетинин базистик жана клиникалык фармакология кафедрасынын башчысы, профессор Аида Зурдинова брифинг учурунда вакцинанын коопсуздугу кандайча бааланарын түшүндүрүп берди.
Анын айтымында, клиникага чейинки фаза - клеткаларды өстүрүү жана жаныбарлардын моделдеринде сыноодон өтөт.
- I фаза - коопсуздугун, иммуногендүүлүгүн сынайт, (10 катышуучу);
- II фаза - коопсуздугун, иммуногендүүлүгүн сынайт, (100 катышуучу);
- III фаза - эффективдүүлүгүн, коопсуздугун, иммуногендүүлүгүн сынайт, (1000 катышуучу).
“3 фазанын жыйынтыгы вакциналардын эффективдүүлүгүн жана коопсуздугун тастыктаса алар каттоодон өтөт. Каттоо процессин өлкөнүн аймагында улуттук көзөмөлдөөчү органдар жөнгө салат. Мисалы, Америка Кошмо Штаттарында - FDA, Европада - EMA, бизде Дары-дармек департаменти жана Республикалык иммунопрофилактика борбору жооп берет”, - дейт ал.
- IV фаза - постклиникалык коопсуздук, эффективдүү, эпидкөзөмөл жана фармкөзөмөл, (1 000 000 катышуучу).
“Вакциналардын коопсуздугу, бардык дары-дармектер сыяктуу эле клиникалык сыноолор аяктагандан кийин жана вакцина ишке киргизилгенден кийин дагы тынымсыз көзөмөлдөнүп турушу керек”, - дейт профессор.
Пикир
Оставить комментарий