Республикалык штаб COVID-19дун көп байкалган белгилерин эске салат

Бишкек, 06.07.22. /Кабар/. Коронавируска каршы Республикалык штаб COVID-19дун көп байкалган белгилерин эске салат.

Дарыгерлердин айтымына караганда, COVID-19 коронавирус инфекциясы ар башка даражадагы адамдардын түрдүү топторуна таасир берет. Илдетке чалдыккандардын көпчүлүгүндө оору жеңил же орто оордукта өтөт жана аларга ооруканага жатуу талап кылынбайт.

Көп байкалган белгилери:

• дене табынын көтөрүлүшү;
• жөтөл;
• чаалыгуу;
• жыт жана даам билүү сезимдеринин жоголушу.

Ооруну жугузгандардын айрымдарында:

• тамак оору;
• баш оору;
• түрдүү оорулар;
• диарея;
• колдун же буттун терисинин түсүнүн өзгөрүшү же майда жараттардын чыгуусу;
• көздүн кызарышы байкалат.

Оорунун оор түрүнүн белгилери:

• дем алуунун кыйындашы;
• сүйлөө же кыймыл-аракет функцияларынын бузулушу же аң-сезимдеги өзгөрүүлөр;
• көкүрөктүн оорусу.

Штаб эгерде оорунун белгилери байкалса, токтоосуз түрдө дарыгерге кайрылуу керектигин эскертет.