Бишкек. 02.04.19 /Кабар/. Россияда 1-апрелден тарта мигранттарды кызамыкка каршы эмдөө башталды. Тийиштүү токтомго РФ бышкы санитардык врачы Анна Попова кол койгон.
Документке ылайык, Россиянын бардык региондорунда иштеген мигранттар 2019-жылдын 1-октябрна чейин эмдөөдөн өтүшү керек.
Чет элдик жарандарга РФ аймагында жумуш берген тарап эмдөөдөн өтүүгө жардам бериши зарыл, деп айтылат Роспотребнадзордун расмий сайтында.
Кызамык — вирус козгоочу жугуштуу оору. Вирустар адам жөтөлгөндө, сүйлөгөндө, чүчкүргөндө бөлүнүп, аба аркылуу башка кишиге жугат.
Пикир
Оставить комментарий