Бишкек, 21.06.21. /Кабар/. Россияда «Шайыр апалар» чыгармачыл сынагы өтүп, маданий иш-чарага Кыргызстандын РФдагы элчилигинин өкүлдөрү катышты.
Элчиликтин билдирүүсүнө караганда, иш-чара Москвадагы кыргыз диаспорасынын кыргыз маданий борборунун жетекчиси Гүлшайыр Мырзабекованын демилгеси менен кыргыздын салттуу музыкасын башка диаспоралык уюмдардын арасында өнүктүрүү жана жайылтуу максатында уюштурулган.
Сынактын катышуучулары кыргыз элинин каада-салттарын, элдик ырларды жана бийлерди, улуттук музыкалык аспаптардын коштоосунда номерлерди тартуулашты.
Белгилей кетсек, «Шайыр апалар» сынагына Кыргызстандын бардык аймактарынан келген чыгармачыл чөйрөлөрдүн өкүлдөрү 2019-жылдан бери катышып келишет.
"Элчилик РФдагы кыргыздардын маданий-гуманитардык мурасын жайылтуу жана Россиядагы мекендештердин башын бириктирүү максатында диаспоралык уюмдар тарабынан маданий иш-чаралардын өткөрүлүшүн жактайт", - деп айтылат маалыматта.
Пикир
Оставить комментарий