Бишкек, 06.04.23. /Кабар/. 7-апрелден 9-апрелге чейин Россиянын Ростов-на-Дону, Краснодар жана Сочи шаарларында Кыргызстандын дилпоматтары мекендештерге жеринде консулдук кызмат көрсөтөт. Бул тууралуу КР ТИМден билдиришти.
Көчмө консулдук кызматынын алкагында кыргызстандыктар КРID/жарандык паспортун, КР айдоочулук күбөлүгүн жана башка документтерди алуу үчүн документтерди тапшыра алат.
Жарандарды кабыл алуу төмөнкү даректер боюнча ишке ашырылат:
- 7-апрелде Ростов-на-Дону шаары Атлантическая, көчөсү 2.
- 8-апрелде Краснодар шаары Красных партизан, көчөсү 34, 4-кабат.
- 9-апрелде Сочи шаары Киров көчөсү 46.
Кыргызстандын Россиядагы элчилиги мекендештерден аталган шаарларда жашаган жакындарына жана туугандарына жогоруда пландалган көчмө консулдук кызмат тууралуу маалымдап коюусун өтүнөт.
Пикир
Оставить комментарий