Бишкек, 24.01.23. /Кабар/. Кыргызстандын Россиянын Екатеринбург шаарындагы башкы консулу Руслан Бийбосунов Урал мамлекеттик тоо-кен университетине (УМТУ) барып, окуу жайдын ректору Алексей Душин менен жолугушту.
КР ТИМден билдиришкендей, жолугушууда университеттер аралык байланыштар, ошондой эле УМТУнун Кыргызстандын тоо-кен өнөр жайынын алдыңкы ишканалары менен кызмашташуусу талкууланды.
“Кыргызиндустрия” ААК, “Куранда Девелопмент” ЖЧКсы жана УМТУ ортосундагы макулдашуулардын алкагында Кыргызстандын тоо-кен казып алуу ишканалары үчүн квалификациялуу кадрларды даярдоо маселесине өзгөчө көңүл бурулду.
Жолугушуунун соңунда башкы консулга Урал мамлекеттик тоо-кен университетинин алдындагы Урал геологиялык музейине экскурсия уюштурулуп, ал Уралдын геологиялык үлгүлөрүнүн бай коллекциясы менен таанышты.
Пикир
Оставить комментарий