Алтынай Алинова ипотекалык үйлөрдөн үч бөлмөлүү батир алды. Анын жолдошу Нурлан Сыдыков талма оорусу менен жабыркайт. Уулунун да майыптыгы бар. Алтынай Алинова 20 жылдан ашуун шаардын четиндеги жаңы конуштарда ижарада батирде жашап келген.
Күн мурун, 24-декабрда Бишкекте Мамлекеттик ипотекалык компания тарабынан курулган "Мурас" турак жай комплексинин ачылыш аземи болуп өттү. Аталган комплекс жалпы 4 700 батирди камтыган ири долбоор. Анын алгачкы этабы аяктап, 6 блоктон турган 18 кабаттуу үйлөрдөн 510 батир ээлерине тапшырылды.
Президент жеткиликтүү турак жайларды куруу иштери мындан ары дагы ыкчам темп менен улантыларын белгиледи. Ал социалдык турак жай алуу кезегине турган 40 миңден ашуун жаран үй-жайлуу болушарын, көп кабаттуу үйлөрдүн курулушу жеке эле борбор калаада эмес, өлкөнүн ар кайсы аймактарында башталарын айтты.
Пикир
Оставить комментарий