Бишкек, 19.07.19. /Кабар/. Токмок шаарында бир жаранды сабаган деп шектелип эки адам кармалды. Бул тууралуу Чүй облустук милициясынан билдиришти.
11-июль күнү болжол менен саат 23:29да Токмок шаарынын милиция бөлүмүнө, аймактык ооруканадан, аларга ур-токмок жеген жаран алынып келди деген кабар түшкөн. Милиция кызматкерлери дароо ооруканага барышкан.
Белгилүү болгондой, 11-июль күнү болжол менен саат 23:00дө чала тааныш адамдар эч кандай себеби жок эле аны ур-токмокко алган.
Бул факт Кылмыш жана жоруктардын бирдиктүү реестринде 139-берене боюнча каттоого алынган.
Аталган окуяга тиешеси бар деп 57 жаштагы М.С. жана 45 жаштагы К.М. аттуу жарандар кармалып, Токмок шаарынын убактылуу кармоочу жайына камалган.
Учурда тийиштүү соттук-медициналык экспертиза белгиленген.
Сотко чейинки өндүрүш уланууда.
Пикир
Оставить комментарий