Бишкек, 18.05.21. /Кабар/. Кыргызстан менен Россиянын президенттери Садыр Жапаров жана Владимир Путин үстүбүздөгү жылдын 24-майында Сочиде жолугушат. Бул тууралуу Кремлдин сайтында маалымдалды.
«Кыргызстан менен стратегиялык өнөктөштүк жана союздаштык алакалар чыңдалууда. Биздин өлкөлөрдү жалпы тарых барактары бириктирип турат. Россия жана Кыргызстан соода-экономикалык, аскердик-техникалык, маданий-гуманитардык жана башка тармактарда ийгиликтүү кызматташып келет. Биргеликте евразиялык интеграцияны өнүктүрүүгө салым кошууда. Ушул жана башка маселелер боюнча 24-майда Сочиде президент Садыр Жапаров менен болчу жолугушууда кеңири сөз кылабыз», - деп билдирген Путин элчилерден ишеним грамоталардын көчүрмөсүн кабыл алып жатып.
Эске сала кетсек, Путинге КРнын элчиси Гүлнара-Клара Самат ишеним грамотасын тапшырган.
Пикир
Оставить комментарий