Бишкек, 15.11.24. /Кабар/. Мамлекет башчы Садыр Жапаров Ош облусундагы жаңы түптөлгөн Жаңы-Барак айылынын ачылышында сөз сүйлөп, алдыдагы жергиликтүү кеңештердин депутаттарын шайлоодо жарандарды добуш сатпоого чакырды.
"Азыр шайлоо системасы автоматташтырылган. Шайлоочулар өзүңөр оңолушуңар керек. Добушуңарды сатпашыңар керек. Кимдир бирөө акча сунуштап келсе, 1000 сом, 5000 сом, 10 000 сом берсе дагы акчасын албагыла. Силер добушуңар менен кошо 5 жылдык тагдырыңарды сатып коюп жатасыңар. Мен добуш сатып алып жаткандарды жалгыз жеңе албайм, силер жардам беришиңер керек", - деди президент.
Пикир
Оставить комментарий