Бишкек, 15.10.22. /Кабар/.Кыргызстандын президенти Садыр Жапаровдун рейтинги 2022-жылдын апрелиндеги акыркы сурамжылоодон бери 4%га өстү. Бул тууралуу Эл аралык республикалык институттун улуттук сурамжылоосунун жыйынтыгында айтылат.
Сурамжылоо 2022-жылдын 10-августунан 5-сентябрына чейин жүргүзүлүп, ага 18 жаштан жогорку курактагы 1500 кыргызстандык катышкан.
Сурамжылоонун жыйынтыгы боюнча Садыр Жапаровго респонденттердин 38%ы ишенет. 2022-жылдын апрель айында бул көрсөткүч 34%ды түзгөн.
Президенттен кийин экинчи орунда УКМК төрагасы Камчыбек Ташиев турат. Ага респонденттердин 18%ы ишенет. Апрель айындагы акыркы сурамжылоодо ал ушундай эле көрсөткүчкө ээ болгон.
Андан кийинки орунда депутат Нуржигит Кадырбеков турат, ага респонденттердин 11%ы ишенет. Апрель айында бул көрсөткүч 13%ды түзгөн.
Эл өкүлү Адахан Мадумаровдун рейтинги мурунку сурамжылоого салыштырмалуу 2%га жогорулап, 10%ды түздү.
Депутат Эрулан Кокуловго ишеним деңгээли төмөндөдү. Ага апрель айында кыргызстандыктардын 5%ы ишенсе, азыр 4%ы ишенет.
Депутат Дастан Бекешев менен Кыргызстандын Германиядагы элчиси Өмүрбек Текебаевге 2%ы ишеним көрсөткөн. Өткөн жылы ушундай эле көрсөткүчтөр болгон.
Жанар Акаевдин рейтинги 1%дан 2%га өскөн.
Өмүрбек Бабановдун көрсөткүчү ошол деңгээлде калып, 1%ды түздү.
Кыргызстандыктардын 13%ы эч кимге ишенбейт.
Пикир
Оставить комментарий