Бишкек, 30.03.21. /Кабар/. 2021-жылдын 30-31-март күндөрү түзүлгөн метеорологиялык кырдаалга жана күтүлүп жаткан жаан-чачынга байланыштуу Кыргызстандын тоолуу райондорунда кар көчкү коркунучу бар.
Кыргызгидромет борборунун маалыматына таянсак, Бишкек-Ош автоунаа жолунун 121-138 (Төө-Ашуу ашуусу), 198-260 (Ала-Бел ашуусу, Чычкан капчыгайы), Суусамыр-Талас-Тараз автоунаа жолунун 1-14, Ала-Бука-Жаңыбазар-Кировка автоунаа жолунун 72-91 (Чапчыма ашуусу), Красная Горка-Ак-Таш автоунаа жолунун 1-4, Мырза-Аке-Кара-Кулжа-Алайкуу автоунаа жолунун 74-115, Бишкек-Нарын-Торугарт автоунаа жолунун 286-306 (Долон ашуусу, Кара-Үнкүр капчыгайы) чакырымдарында кар түшүү коркунучу сакталат.
Ошондой эле Казарман-Актал-Чат автоунаа жолунун 42-44 (Ийри-Суу тилкеси), 67-93 (Кара-Гөө ашуусу), Ош-Сары-Таш автоунаа жолунун 165-173 (Талдык ашуусу), Сары-Таш-Дароот-Коргон-Кара-Мык автоунаа жолунун 97-98, 110, 136-чакырымдарында жана Каракол-Эңилчек автоунаа жолунун 64-90-чакырымдарында (Чоң-Ашуу ашуусу) кар көчкү түшүүcү жана кар күрткүсү күтүлөт, жолдор тайгак болуп муз тоңот.
Унаалардын ортосундагы 500 метр аралык кыймыл чектелиши зарыл.
Пикир
Оставить комментарий