Бишкек, 13.08.24. /Кабар/. Кыргызстандын саламаттык сактоо министри Алымкадыр Бейшеналиев дарылоонун жаңы ыкмалары, изилдөөчүлөрдү жана медициналык кызматкерлерди үзгүлтүксүз окутуу жана шишикке каршы инновациялык дарыларды иштеп чыгуу менен алектенген "CIPREVO" компаниясынын жетекчиси доктор Грегори Прево менен жолугушту.
Саламаттык сактоо министрлигинен билдиришкендей, жолугушуу министрдин Францияга болгон жумушчу сапарынын алкагында өтүп, анда тараптар онкологиялык ооруларды дарылоо жаатында кызматташууну өнүктүрүүнү талкуулады.
Алымкадыр Бейшеналиев 2024-жылдын январь айында француз кесиптештеринин Кыргызстанга болгон иш сапарынын алкагында дарыгерлер жана ЖОЖдордун өкүлдөрү менен жолугушуулар болуп, биргелешкен илимий долбоорлорду түзүү мүмкүнчүлүктөрү талкууланганын белгиледи.
"Балдардын онкологиясын дарылоо үчүн жаңы дарыларды изилдөө өзгөчө кызыгууну туудурат. Кыргызстандын президенти Садыр Жапаров рак оорусун аныктоо жана дарылоону жакшыртууга олуттуу көңүл бурат", - деди министр.
Пикир
Оставить комментарий