Бишкек, 05.05.20. /Кабар/. Кыргызстан боюнча обсервацияда 917 адам жатат. Бул тууралуу өкмөт үйүндөгү маалымат жыйында саламаттык сактоо министринин орун басары, өлкөнүн башкы санитардык дарыгери Нурболот Үсөнбаев билдирди.
“Ал эми Кыргызстанда коронавирус жуктургандар менен 3 миң 755 адам жакын байланышта болгон. Байланышта болгондордун саны эпидемиологиялык изилдөөлөрдүн жүрүшүндө өзгөрүшү ыктымал”, - деп баса белгиледи ал.
Министрдин орун басары кошумчалагандай, байланышта болгондор тыкыр медициналык көзөмөлдө болууда.
Белгилей кетсек, 5-майга карата Кыргызстанда COVID-19 вирусун жуктуруунун 843 учуру катталды. Учурда стационарда – 232 жатат, алардын ичинен бешөө реанимацияда. Коронавирус жуктурган 600 бейтап айыгып, ооруканадан чыгарылды. Ал эми 11 адам каза тапты.
Пикир
Оставить комментарий