Бишкек, 03.07.24. /Кабар/. Мамлекеттик салык кызматы cabinet.salyk.kg сайтындагы "Салык төлөөчүнүн кабинетинин" интерфейсинин дизайнын жаңылады.
Салык кызматынан маалымдашкандай, мындай аракеттер салык төлөөчүлөрдүн электрондук салык кызматтарын алуусунун ыңгайлуулугун жана натыйжалуулугун жогорулатуу үчүн жасалды.
Жаңыртуу менен интерфейс интуитивдүү болуп, электрондук порталды колдонуу жеңилдетилди. Колдонуучулар керектүү функцияларды жана маалыматтарды тезирээк таба алышат. Интерфейстин элементтери логика менен жайгаштырылган жана дизайнда ашыкча деталдар жок.
Мындан сырткары, жумшалган аракеттерди жана баскычтарды азайтуу үчүн порталдын навигациясы жөнөкөйлөштүрүлдү. Негизги функциялар жана көп суралган маалыматтар азыр бир-эки баскыч менен жеткиликтүү.
Меню жана куралдардын панели колдонуучулардын негизги бөлүмдөргө жана кызматтарга оңой жетүүсү үчүн жакшыртылды.
Ошондой эле заманбап визуалдык стиль да киргизилген, ал таза жана минималисттик дизайны менен жагымдуу иштөө атмосферасын түзүп, башкы милдеттерден алаксытпайт.
Салык кызматы жарандардын салык милдеттенмелерин аткарууну жакшыртуу жана жөнөкөйлөтүү үчүн электрондук сервистерди өркүндөтүүнү улантат.
Пикир
Оставить комментарий