Бишкек, 11.11.22. /Адил Төлөгөнов - Кабар/. Самбонун өнүгүүсүнө кыргыз күрөшүнүн салымы чоң. Бул тууралуу Бишкектеги маалымат жыйында Эл аралык самбо федерациясынын президенти Василий Шестаков билдирди.
"Самбонун өнүгүүсүнө Кыргызстандын жардамы чоң. Анткени силердеги күрөш (ред.: кыргыз күрөшү) бар эмеспи, самбого айрым ыкмалар ошондон алынган. Кыргызстан дагы спорттун бул түрүнүн түзүүчүсү катары өзүн эсептей алат", - дейт ал.
Эскерте кетсек, Бишкектин "Газпром" ден соолукту чыңдоо борборунда 11-13-ноябрь күндөрү алгачкы жолу самбо боюнча дүйнө чемпионаты өтүүдө.
Чемпионаттын алкагында төмөнкү салмак категорияларда беттештер өтөт:
Эркектер: 58, 64, 71, 79, 88, 98, 98 кг жогору;
Кыз-келиндер: 50, 54, 59, 65, 72, 80, 80 кг жогору;
Күжүрмөн самбо: 58, 64, 71, 79, 88, 98, 98 кг жогору.
Чемпионаттын байге фонду 231 миң долларды түзөт.
1-орун- 4000 доллар;
2-орун- 3000 доллар;
3-орун- 2000 доллар.
Кыргызстандын атынан дүйнө чемпионатына 21 спортчу катышат.
Пикир
Оставить комментарий