Бишкек, 18.11.22. /Кабар/. Финансы министрлигинин санариптик казыналык милдеттенмелерин чыгаруу жана пайдалануу тартиби жөнүндө жобо бекитилди. Тиешелүү чечимге министрлер кабинетинин төрагасы Акылбек Жапаров кол койду.
КРнын Бюджеттик кодексинин 60-беренесине ылайык, министрлер кабинети Финансы министрлигинин санариптик казыналык милдеттенмелерин чыгаруу жана пайдалануу тартиби жөнүндө жобону бекитүү чечимин кабыл алды.
Санариптик казыналык милдеттенмелерди чыгаруу жана пайдалануу тартиби жөнүндө жобо Финансы министрлигинин санариптик казыналык милдеттенмелерин чыгаруу жана пайдалануу тартибин жөнгө салат.
Белгилей кетсек, санариптик казыналык милдеттенмелер – бул казыналык системанын атайын программалык платформасында катталган, анын ээсине кредитордук карыздарды, анын ичинде салыктык жана салыктык эмес чегерүүлөрдү тындыруу үчүн пайдаланууга укук берген документсиз мамлекеттик баалуу кагаз.
Ыйгарым укуктуу мамлекеттик орган – Финансы министрлиги санариптик казыналык милдеттенмелердин эмитенти болуп саналат.
Пикир
Оставить комментарий