• 88.91
  • 94.75
  • 0.95

Шайлоо-2020: Партиялардын шайлоо бюллетениндеги ирет номурлары аныкталды

Шайлоо 2020 0

Бишкек, 10.09.20. /Кабар/. Кечээ, 9-сентябрда Кыргыз Республикасынын Шайлоо жана референдум өткөрүү боюнча борбордук комиссиясы саясий партиялардын шайлоо бюллетениндеги ирет номурларын аныктоо боюнча чучукулак өткөрдү.

БШКнын басма сөз кызматынан кабарлашкандай, чучукулак саясий партиялардын ыйгарым укуктуу өкүлдөрүнүн, жалпыга маалымдоо каражаттарынын, жарандык коомдун өкүлдөрүнүн катышуусунда ачык форматта өттү.

Саясий партиялардын номурлары иреттик бюллетенде төмөнкүдөй бөлүштүрүлдү:

1. “Биримдик” (Единство)”демократиялык партиясы,

2. “Мекенчил”,

3. “Ыйман Нуру” адилеттүүлүк жана өнүгүү партиясы,

4. “Мекеним Кыргызстан”,

5. “Реформа”,

6. “Ата Мекен” социалисттик партиясы,

7. “Замандаш”,

8. “Бүтүн Кыргызстан”,

9. “Социал-Демократтар”,

10. “Мекен Ынтымагы”,

11. “Афганистан согушунун ардагерлери жана ушул сыяктуу кагышууларга катышкандардын саясий партиясы”,

12. “Ордо”,

13. “Бир Бол” мамлекеттик биримдик жана мекенчил партиясы“,

14. “Республика”,

15. “Кыргызстан”,

16. “Чоң Казат”.

Ошондой эле “Кыргыз Республикасынын Президентин жана Кыргыз Республикасынын Жогорку Кеңешинин депутаттарын шайлоо жөнүндө” Кыргыз Республикасынын конституциялык Мыйзамынын 30-беренесине, “Кыргыз Республикасынын шайлоо жана референдум өткөрүү боюнча шайлоо комиссиялары жөнүндө” Кыргыз Республикасынын Мыйзамынын 7-беренесине, катталган саясий партиялардын шайлоо бюллетениндеги кезектешүүсүн аныктоо боюнча чүчүкулактын 2020-жылдын 9-сентябрындагы протоколуна ылайык, Кыргыз Республикасынын Шайлоо жана референдум өткөрүү боюнча борбордук комиссиясы 2020-жылдын 4-октябрына дайындалган Кыргыз Республикасынын Жогорку Кеңешинин депутаттарын шайлоодо шайлоо бюллетенинин текстин жана таризин бекитти.

Пикир

Оставить комментарий