Бишкек, 09.10.17 /Кабар/. Биздин райондун тургундарынын, убагында Тажикстандан Чүй өрөөнүнө көчүп келген кыргыздардын атынан айтып койгум келет – биз Сооронбай Жээнбековдун талапкерлигин колдойбуз, деп билдирди Сокулук районунун Жаңы-Пахта айылынын жашоочусу Ислам Шафеев президенттикке талапкер Сооронбай Жээнбековдун Чүй облусунун Сокулук районунун жашоочулары менен болгон жолугушуусу учурунда.
Ал Сооронбай Жээнбеков ар дайым таза, акниет жана адилет иштеп келгендигин баса белгиледи. «Жалпы журт сизди колдойт! Биздин Жаңы-Пахта айылыбыздын тургундары буга чейин эле КСДП партиясын бардык шайлоолордо колдоп, биринчи орунда болушун камсыздап келген. Бул ирет да биз КСДП партиясынын талапкери Сооронбай Жээнбековду колдоп беребиз. Сиз Кыргызстандын премьер-министри болуп турганда коңшу өлкөдөн көчүп келген кыргыздарды кабыл алып, көйгөйлөрүбүздү чечүүгө аракет кылган элеңиз. Биз сизди колдойбуз. Сиз президенттик шайлоодо жеңишке жетип, өлкөнүн жыргалчылыгы үчүн акниет иштеп беришиңизди каалайбыз», - деди Ислам Шафеев жана сокулуктуктарды өлкөдөн кымбат дөөлөт жок деп эсептеген Сооронбай Жээнбековду колдоого чакырды.
- Даярдоочу: КУМА “Кабар”
- Дарек: Бишкек, Абдрахманов к., 175
- КР Президенттин кызмат ордуна талапкер С.Ш Жээнбековдун шайлоо фондунан каржы маселелери боюнча ыйгарым укуктуу өкүлү Сатыгул кызы Надира тарабынан буюртма берилди жана төлөндү.
- Нускасы 1 даана. Чыгарылган күнү: 07.10.2017 ж.
Пикир
Оставить комментарий