Бишкек, 06.09.17. /Кабар/. Солтон-Сары кенинде 2017-жылдын 1-жарым жылдыгында 21,08 кг алтын казылган, ал эми план 17,4 кг болгон. Бул тууралуу “Кыргызалтын” ААК басма сөз кызматы билдирди.
Кенде казылган алтын болжолдуу көрсөткүчтөрдөн 20,7%га ашкан. 2016-жылга салыштырмалуу Солтон-Сары кенинде өндүрүштүн көлөмү 12,076 кг өскөн.
Ошондой эле, 2017-жылдын башынан бери кенде 14,8034 тонна кен казылган. Бул баштапкы пландын 118,4%га аткарылганы тууралуу билдирип турат.
2017-жылы июнда айына 6 кг алтын казуу мүмкүндүгүн берген экинчи линиянын ачылышы менен жетишилди.
Маалымдама: Кен “Кыргызалтын” ААКнын өндүрүштүк филиалдарынын бири жана ал Бишкек 355 км аралыкта Нарын облусунда Капка-Таш тоо кыркасында жайгашкан. Солтон-Сары кенинде 157 адам иштейт, алардын орточо айлыгы – 21 миң сом.
Пикир
Оставить комментарий