Бишкек, 27.07.20. /Кабар/. Бүгүн, 27-июлда Кыргызстандагы банктардын бирикмесине мүчө 10 финансылык уюм КР Саламаттык сактоо министрлигине гуманитардык жардам көрсөттү. Жалпы наркы 10 миллион сомго барабар болгон аманатты министрликтин статс-катчысы Калысбек Шадыханов кабыл алды. Бул тууралуу Саламаттык сактоо министрлигинин басма сөз кызматы билдирет.
Маалыматка ылайык, коронавирус инфекциясы менен күрөшүү үчүн 6 даана жасалма дем алдыруучу аппарат, 100 даана кычкылтек концентратору жана 1000 пульсоксиметр тапшырылды.
Саламаттык сактоо министрлигинин статс-катчысы гуманитардык жардам көрсөткөн финансылык институттардын өкүлдөрүнө ыраазычылыгын билдирди.
Пикир
Оставить комментарий