Бишкек, 29.07.22. /Кабар/. Жалал-Абад облусунун аймагында жаш өспүрүмдөрдүн жумушка тартылуусун көзөмөлдө максатында 25-27-июль күндөрү «Өспүрүм эмгек» аталышындагы профилактикалык иш-чара өткөрүлдү.
Облустук милициянын басма сөз кызматынан кабарлашкандай, анын алкагында курулуш жүрүп жаткан имараттар, унаа жуучу жайлар, кафе-ресторандар, базарлар, компьютердик клубдар текшерүүгө алынды.
Рейддин жүрүшүндө жумушка тартылган жана түнкү убакытта чоң адамдардын коштоосуз жүргөн 12 баланын ата-энесине айып пулдар салынды. Соода-сатык менен аракеттенип жүргөн жаш өспүрүмдөргө эскертүүлөр берилди.
Мындан сырткары, жайкы каникул учурунда сууга түшүүдө этият болуу керектиги жеткирилди.
Пикир
Оставить комментарий