Бишкек, 12.01.21. /Кабар/. Кыргызстанда бир суткада коронавирус 115 адамдан табылып, 3 адам каза болду. Бул тууралуу саламаттык сактоо министринин орун басары Нурболот Үсөнбаев брифингде билдирди.
Анын айтымында, Бишкекте коронавирус – 47 адамдан, Чүй облусунда – 43, Ош облусунда – 5, Талас облусунда – 3, Нарын облусунда – 2, Ысык-Көл облусунда – 12, Жалал-Абад облусунда – 3 кишиден табылган.
Ал эми бир сутка ичинде 178 адам коронавирустан айыгып чыккан.
Бишкекте – 60, Ош шаарында – 2, Чүй облусунда – 43, Ош облусунда – 8, Нарын облусунда – 7, Ысык-Көл облусунда – 28, Жалал-Абад облусунда – 12, Баткен облусунда – 14 киши коронавирустан айыгып чыкты.
Коронавирустан жалпы 1 миң 374 жаран көз жумган. Бир күндө Бишкекте - 2 жана Ысык-Көл облусунда - 1 адам каза болгон.
Бүгүнкү күнү стационарларда коронавирустан 808 бейтап, амбулатордук түрдө 1 миң 203 адам дарыланууда.
“Бир сутка ичинде өлкө боюнча 2 медик коронавирус жуктуруп алды. Үй карантининен 6, стационардан 6 медкызматкер айыгып чыкты. Пандемия башталгандан бери 4 миң 149 медицина кызматкери коронавирус жуктуруп алган, алардын ичинен 4 миң 26 медкызматкер айыгып чыкты”, - дейт Үсөнбаев.
Кыргызстанда пандемия башталгандан бери 82 миң 495 адам коронавирус жуктурган. Алардын ичинен 78 миң 181 киши айыгып чыкса, 1 миң 374 адам каза болду.
Пикир
Оставить комментарий