Бишкек, 27.07.23. /Кабар/. Кыргызстандын президенти Садыр Жапаровдун рейтинги өсүүдө. Бул тууралуу Эл аралык республикалык институттун улуттук сурамжылоосунун жыйынтыгында айтылат.
Сурамжылоо 2023-жылдын 5-майынан 25-майына чейин жүргүзүлүп, ага 18 жаштан жогорку курактагы 1 миң 492 кыргызстандык катышкан.
Сурамжылоонун жыйынтыгы боюнча Кыргызстандын президенти Садыр Жапаровго респонденттердин 91%ы ишенет.
Президенттен кийин экинчи орунда Жогорку Кеңештин депутаты Нуржигит Кадырбеков турат. Ага респонденттердин 69%ы ишенет.
Андан кийинки орунда УКМКнын төрагасы Камчыбек Ташиев турат, ага респонденттердин 68%ы ишенет.
Белгилей кетсек, 2022-жылдын апрелинде жүргүзүлгөн сурамжылоонун жыйынтыгында Садыр Жапаровго респонденттердин 38%ы ишенерин билдирген.
Пикир
Оставить комментарий