Бишкек, 18.11.20. /Кабар/. Борбор калаанын Свердлов районунун 931 жашоочусу социалдык өнүктүрүү башкармалыгы тарабынан 1,5 тонна көмүр сатып алуу үчүн 5 миң 700 сом өлчөмүндө акчалай компенсация алды.
Маалыматка ылайык, ошондой эле "Бишкекжашылчарба" муниципалдык ишканасы тарабынан 150 муктаж үй-бүлөгө отун берилди.
Белгиленгендей, Свердлов акимиатынын кызматкерлери көмүр сатуучу жайларды, бааларын жана катуу отундун сапатын текшерди.
“Көмүр Достоевский көчөсү 1 дарегиндеги «Гефест» отун кампасынан чыгарылат. Шабыркул көмүрүнүн бир тоннасынын баасы болжол менен 4 миң 200 сомду түзөт”, - деп айтылат маалыматта.
Мындан тышкары, райондун аймагында төмөнкү даректерде көмүр сатуучу пункттар бар:
• Саадаев / Орозбеков көчөлөрү;
• Келечек жаңы конушу;
• Ак-Бата жаңы конушу.
Пикир
Оставить комментарий