Бишкек, 16.02.24. /Кабар/. Бишкек - Ош унаа жолундагы Төө-Ашуу ашуусунда жолду кардан тазалоо, кум-туз аралашмасын себүү иштери жүргүзүлүүдө. Бул тууралуу "Кыргызавтожол" мамлекеттик ишканасынан билдиришти.
Маалыматка ылайык, тазалоо иштерин "Кыргызавтожол" МИге караштуу №9 жол тейлөө ишканасы аткарууда.
Аба-ырайынын шарттарына байланыштуу, жолдордун ашуу тилкелерине бара жаткан айдоочуларга, жайкы дөңгөлөктөрдү кышкы дөңгөлөккө алмаштырууну, дөңгөлөктөрдүн чынжырчаларын алып жүрүүнү сунуштайбыз.
Пикир
Оставить комментарий