Бишкек, 26.07.23. /Кабар/. Төө-Ашуудагы К.Көлбаев атындагы туннелдин жолуна асфальт-бетон төшөө иштери башталды. Бул тууралуу "Кыргызавтожол" мамлекеттик ишканасынан билдиришти.
Маалыматка ылайык, туннелдин 2 миң 510 метрди түзгөн унаа жолу толугу менен асфальтталат.
Белгилей кетсек, туннелдин жолуна асфальт төшөө иштерине байланыштуу жол 10 саатка чейин жабылып турат.
Иштер 26-июлдан 6-августка чейин жүргүзүлөт. Бул аралыкта унаалар төмөндөгүдөй график менен өткөрүлүп турат:
Сосновка өткөрүү пункту тарабынан:
- оор жүк ташуучу унаалар үчүн: түнкү саат 03:00дөн баштап 16:00гө чейин;
- жеңил унаалар үчүн: эртең мененки саат 06:00дөн баштап 16:00гө чейин жабылат.
Ал эми борбор калааны көздөй - Бишкек - Ош унаа жолунун 144-чакырымынан (Суусамыр өрөөнү):
- оор жүк ташуучу унаалар үчүн: эртең менен 05:00дөн баштап 16:00гө чейин;
- жеңил унаалар үчүн: эртең мененки саат 06:00дөн баштап 16:00гө чейин жабык болот.
Пикир
Оставить комментарий