Бишкек, 24.09.18 /Кабар/. Бишкек-Ош унаа жолундагы К.Көлбаев атындагы Төө-Ашуу ашуусунда желдетүү системасын оңдоо иштери жүрүп жатат. Бардык унаалар график боюнча өткөрүлүүдө.
Транспорт жана жолдор министрлигинин маалыматына ылайык, 18нен 30-сентябрга чейин унаалардын туннель аркылуу өтүшү график боюнча ишке ашат. Бул иштер жыл сайын ушул мезгилде жүргүзүлөт.
Оңдоп-түзөө иштерин жүргүзүү тууралуу чечим Ички иштер министрлиги жана Бишкек-Ош дирекциясы менен макулдашылган.
Төө-Ашуудан унааларды өткөрүү графиги:
08:00 - 09:30 – оңдоп-түзөө иштери (жабык)
09:00 - 14:00 – транспорт каражаттарын өткөрүү (ачык)
14:00 - 15:30 – оңдоп-түзөө иштери (жабык)
15:30 - 08:00 – транспорт каражаттарын өткөрүү (ачык)
Пикир
Оставить комментарий