Бишкек, 16.10.24. /Кабар/. Түндүк-Түштүк альтернативдик унаа жолунун Арал - Казарман тилкесинде эки жерден таш кулап, жол убактылуу жабылды.
Транспорт жана коммуникациялар министрлигинен билдиришкендей, Арал - Казарман тилкесинин 270-271-чакырым аралыгына жаандан улам тоо бетинен таштар кулап, жолду жаап калган. Жолго түшкөн таштын көлөмү болжол менен 3 миң куб метрди түздү.
Ошондой эле Арал - Казарман участогунун 243-296-чакырым аралыгында дагы таш көчкү түшүп, автожол убактылуу жабык. Учурда тазалоо иштери жүрүп жатат. Жолдун ачылышы тууралуу кошумча маалымат берилет.
Пикир
Оставить комментарий