Бишкек, 22.11.24. /Кабар/. Жогорку Кеңештин төрагасы Нурланбек Шакиев Көз карандысыз мамлекеттер шериктештигине мүчө өлкөлөрдүн Парламенттер аралык ассамблеясынын (КМШ ПАА) кеңешинин кезектеги жыйынына катышты.
Парламенттен билдиришкендей, жыйын Россиянын Санкт-Петербург шаарында өттү.
Анда КМШга мүчө өлкөлөрдүн алакаларын арттырууга байланышкан чечимдерди ишке ашыруу тууралуу сөз болуп, анын ичинен парламенттер аралык кызматташтыкка тиешелүү маселелер талкууланды.
Муну менен катар Улуу Жеңиш майрамын белгилөөгө арналган иш пландар боюнча сунуш-пикирлер айтылды.
Ошондой эле жыйында кеңештин төрагасын шайлоо маселеси каралып, аталган кызматка Россиянын Федералдык Жыйынынын Федералдык Кеңешинин төрайымы Валентина Матвиенко шайланды.
Белглей кетсек, төрага Шакиев КМШ ПААнын 57-пленардык жыйынына да катышып, баяндама жасары күтүлүүдө.
Пикир
Оставить комментарий