Бишкек, 09.02.23. /Кабар/. Бүгүн, 9-февралда төрага Нурланбек Шакиев баштаган КР Жогорку Кеңешинин делегациясы Казакстандын Түркестан шаарында өтө турган Борбордук Азия мамлекеттеринин парламенттеринин жетекчилеринин I форумуна катышуу үчүн жөнөп кетти.
Жогорку Кеңештен билдиришкендей, анын алкагында Нурланбек Шакиев бир катар жолугушууларды өткөрүп, БА чөлкөмүндөгү алакаларды арттыруу жаатында парламенттердин ролун жогорулатууга байланышкан иш-чараларга катышат.
Белгилей кетсек, делегациянын курамында Жогорку Кеңештин депутаттары Адахан Мадумаров, Марлен Маматалиев, Ырысбек Атажанов, Чыңгыз Ажибаев, Мейкинбек Абдалиев жана Фарходбек Алимжанов бар.
Пикир
Оставить комментарий