Бишкек, 14.11.18. /Кабар/. Түркия Кыргызстанга аскердик жардамдын көлөмүн көбөйтөт. Бул туурасында Кыргызстандын Түркиядагы элчисинин кызматын аткарып келген Ибрагим Жунусов “Азаттык” радиосуна билдирди.
Анын айтымында, Түркия буга чейин 1 млн. долларлык аскердик жардам көрсөтүп келсе, 2019-жылдан тартып ал сумма 2 миллионго көбөйөт.
Ушул тапта Башкы штабдын жетекчилиги Түркияда жүрөт.
13-ноябрда Жогорку Кеңештин Эл аралык иштер, коргоо жана коопсуздук комитети Кыргызстандын Өзбекстандагы элчисинин кызматына Ибрагим Жунусовдун талапкерлигин жактырган. Аны бул кызматка Тышкы иштер министрлиги сунуш кылды.
Пикир
Оставить комментарий