Бишкек, 13.02.23. /Кабар/. Түркиянын Кахраманмараш шаарында кыргызстандык куткаруучулар издөө-куткаруу иштеринин натыйжасында урандылардын астында аман калган 4 адамды жана каза болгон 104 адамдын сөөгүн чыгарып беришти. Бул тууралуу ӨКМдин басма сөз кызматы билдирди.
Эскерте кетсек, 7-февралда жер титирөөнүн кесепеттерин жоюуга жардам көрсөтүү үчүн 67 адамдан турган Кыргызстандын куткаруучулары Түркияга учуп кеткен.
Ошондой эле кечээ, 12-февралда табигый кырсыктан жабыркаган боордош түрк элине колдоо көрсөтүү үчүн атайын учак менен дагы 80 куткаруучу, 6 дарыгер, боз үй тигүүчүлөр, 75 боз үй жөнөтүлгөн. Бүгүн, 13-февралда 80 куткаруучу Кахраманмараш шаарынан 15 мүнөттүк алыстыкта жайгашкан райондогу талкаланган урандылардан адамдарды издөө иштерин баштады.
Эскерте кетсек, 6-февралда таңга жуук Түркия жана Сириянын аймагында очогунда 7,8 баллга жеткен катуу жер титирөө катталып, бир нече шаар кыйраган. Кийин жер титирөө дагы кайталанып, анын күчү очогунда 7,6 баллга жеткен.
Пикир
Оставить комментарий