Анкара, 10.04.18. /Кабар/. Түркиянын президенти Режеп Тайип Эрдоган КР мамлекет башчысы Сооронбай Жээнбековго үстүбүздөгү жылдын сентябрь айында Бишкекте Түрк тилдүү өлкөлөрдүн саммитин өткөрүүнү сунуштады.
Мындай оюн ал кечээ, 9-апрелде КР президенти Жээнбеков менен болгон жолугуушунун жыйынтыгында билдирди. Белгилей кетсек, Сороонбай Жээнбеков расмий иш сапары менен Анкарада (Түркия) жүрөт.
“Мен Кыргызстан аталган саммити жогорку деңгээлде өткөрөт жана иш-чаранын төрагасы катары катышуучуларга татыктуу билдирүү жасайт деп ишенем”,-деди ал.
Ошондой эле ал Жээнбековдун бул сапары эки мамлекет ортосундагы кызматташуунун жаңы баскычтары боло тургандыгына ишеним билдирди.
Пикир
Оставить комментарий