Бишкек, 25.12.18 /Кабар/. Түркмөнстанда "Биз бярде" (Биз бул жерде – кырг.) деп аталган биринчи жергиликтүү социалдык тармак ачылды. Бул тууралуу orient.tm басылмасы жазды.
"Би-би" же "Биз бярде"нин кыскартылган түрү 23-декабрда жалпы коомчулукка сунушталды.
Бул социалдык түйүндү негиздеген Эзиз Бекназаровдун айтымында, "биздин соцтармагыбыз элге жагыш үчүн көп жумуш жасап, көптөгөн кыйынчылыктарга туш болдук. Азырынча "Би-би"ни абдан мыкты деп айта албайбыз, бирок өлкөдөгү башка социалдык түйүндөрдөн кем калбайт".
"Би-би" колдонуучулары кадимкидей эле маалымат алмашып, сүрөт, видео сыяктуу файлдарды жиберип, түз билдирүүлөрдү жасоого дагы болот.
Көпчүлүккө маалым болгондой эле, Түркмөнстанда дүйнөдө белгилүү Facebook, Twitter, Instagram жана башка тармактарга тыюу салынган.
Пикир
Оставить комментарий