Бишкек, 01.02.18 /Кабар/. Түркмөнстанда бензин кымбаттоодо. Май куюучу жайларда жайгаштырылган жарыяларга караганда, 23-февралдан тарта автоунаа майынын литри 1 манаттан 1,5 манатка чейин жогорулайт.
"Маалымат өзгөрүүдө. Эртеңден баштап жогорулайт деп дагы жатышат. Бардык май куюучу жайларда кезек. Шаарда ажиотаж башталды", - деп билдирди “Азаттыктын” өз булагы.
Акыркы жолу Түркмөнстанда бензин 2015-жылы январда кымбаттаган. Анда мамлекет башчынын тапшырмасы менен автомобиль майынын наркы 60% жогорулаган. А-95 үлгүсүндөгү бензиндин баасы 1 манатты түзгөн. Түркмөнстанда Борбордук банк белгилеген расмий курс боюнча 1 АКШ доллары 3,5 манатты түзөт.
Булагы: CENTRAL ASIAN
Пикир
Оставить комментарий