Бишкек, 18.08.21. /Кабар/. Милиция кызматкерлери Талас облусунда өтүп жаткан манасчылардын республикалык "Урааным Манас!" аттуу фестивалында коомдук тартипти камсыздашууда. Бул тууралуу Талас облустук милициясынын басма сөз кызматы билдирет.
Маалыматка ылайык, иш-чара Кара-Буура районуна караштуу Көк-Сай айылындагы Манас-Ата чокусунун ылдый жагында жайгашкан Кочкор-Ата жайытында 18-19-августта өткөрүлөт.
Фестивалга өлкөнүн бардык аймактарынан белгилүү манасчылар катышууда. Аталган иш-чарада Талас ОИИБнин начальниги, милициянын полковниги Марлис Асанов тиешелүү кызматтарга буйрук берип, иш-чаранын жүрүшүндөгү коопсуздукту көзөмөлгө алды.
"Кара-Буура райондук ички иштер бөлүмүнүн жана Талас ОИИБнин кызматкерлери коомдук коопсуздукту жана тартипти камсыз кылышууда. Ал эми ЖКККБнын кызматкерлери келген конокторду коштоп, жол кыймылынын коопсуздугун камсыздоо боюнча иш-аракеттерди аткарышууда",-деп айтылат маалыматта.
Эскерте кетсек, фестиваль Кыргыз Республикасынын эгемендүүлүгүнүн 30 жылдыгына карата уюштурулган.
Пикир
Оставить комментарий