Бишкек, 23.04.21. /Кабар/. Таш-Көмүр шаарында аялзатын никеге туруу максатында уурдоону, никеге турууга мажбурлоону болтурбоо боюнча жыйын өткөрүлдү. Бул тууралуу Жалал-Абад облустук милициясынын басма сөз кызматы билдирет.
Маалыматка ылайык, ала качууга байланыштуу өлкөдө болуп жаткан акыркы окуялардан улам Таш-Көмүр ШИИБдин жетекчилигинин демилгеси менен ала качуу, никеге турууга мажбурлоо жана зордук-зомбулуктарды болтурбоо, мындай көрүнүштөргө жол бербөө үчүн коомчулукка түшүндүрүү иштерин жүргүзүү максатында жыйын өткөрүлдү.
Аталган иш-чарага жергиликтүү өз алдынча башкаруу органдары, сот, прокуратура, социалдык өнүктүрүү мекемеси жана аймактык башкармалыктын башчылары, аялдар кеңешинин мүчөлөрү, аксакалдар кеңеши, коомдук алдын алуу борборлорунун төрагалары жана шаардагы көчө комиттеттери катышты.
Пикир
Оставить комментарий