Бишкек, 17.12.20. /Кабар/. Ташкентте маале кызматкерлери үйлөрдү кыдырып, картошка, пияз жана сабиз камдыктарын текшерип жүрүшөт.
Маале активисттери электр энергиясы жана газ көйгөйү күчөп жаткан маалда жашылчаны кап-кап менен запастап алууга чакырууну «абсурд» деп аташты.
– Биздин мааленин кызматкерлерин үйлөрдү кыдырып, жарандардын картошка жана пиязды кап-кап менен камдап алган-албаганын текшерип чыгууга мажбурлашууда. Эл электр энергиясы менен газга жетпей жатканда, аларды кап-кап жашылча сатып алууга чакыруу кантип болсун? – деди Шайхантахур районун активисттеринин бири.
Маале жана үй-бүлөнү колдоо министрлигинин кызматкери Ташкентте калктын азык-түлүк камдыгын текшерүү өнөктүгү жүрүп жатканын тастыктады.
Ал айылдыктар дайыма жашылчанын запасын камдап аларын, шаардыктар антпей турганын айтып, түшүндүрүү иштери жүргүзүлүп жатканын билдирди.
Кызматкердин айтымында, быйыл октябрда калктын айыл-чарба азыктарына болгон суроо-талабын камсыздоо боюнча өкмөттүн токтому чыккан. Ушул тапта өлкөдө төрт негизги өнүмдүн (картошка, пияз, сабиз жана күрүч) камдыгы 795 миң тоннаны түзөт. 2021-жылдын 1-январына карата бул продукцияларды ички рынокко жеткирүү графиктери иштелип чыгат.
Пикир
Оставить комментарий