Бишкек, 3-август /Кабар/. 2-августта Ташкенттин облустук сотунда Чиназ районунан чыккан ишкер, эл арасында «Ахмадбай» ысымы менен таанымал Ахмад Турсунбаевдин соттук жараяны башталды.
«Чиноз халол чорва» менен «Чиноз Авто Хамкор» фирмаларынын негиздөөчүсү Ахмад Турсунбаев элден акча алып, жыл сайын 100 пайыз үстөк төлөп турууну убадалаган.
Укук коргоо органдары далил катары ага таандык делген 12 миллион АКШ долларын конфискациялаган. 38 жаштагы ишкерге ондогон кишилер акча берген.
Буга чейин Өзбекстандын укук коргоо органдары Ахмад Турсунбаев элден автомобиль, мал жана зер буюмдарды дагы кабыл алганын маалымдаган.
Учурда Ахмад Турсунбаев Өзбекстандын Улуттук коопсуздук кызматынын тергөө абагында жатат.
Пикир
Оставить комментарий