Бишкек, 30.04.20. /Кабар/. "Тазалык" ишканасынын кызматкерлери Бишкектеги санитардык постторду алууда. Бул тууралуу Бишкек шаарынын мэриясынан билдиришти.
"1- 00майдын түнүнө карата Бишкектеги ички посттор алынат. "Тазаалыктын" кызматкерлери тосмолорду, чатырларды жыйнай баштады", - деп айтылат маалыматта.
Бишкек шаарынын коменданты Алмазбек Орозалиев билдиргендей, шаардагы ички посттор алынат, бирок шаарда жөө жана унаа кайгуул кызматкерлери иштей беришет.
Белгилей кетсек, Кыргызстандын Бишкек, Ош, Жалал-Абад, Нарын шаары жана Ноокат, Кара-Суу, Сузак райондорунда коронавируска байланыштуу киргизилген өзгөчө абал режими 30-апрелге чейин узартылды. Ошондой эле өзгөчө абал режими 30-апрелге чейин Нарын шаары жана Ат-Башы районунда киргизилген.
Ошол эле учурда Бишкек, Жалал-Абад, Ош шаарларында жана Ат-Башы районунда өзгөчө абал режими 10-майга чейин узартылды.
Өзгөчө абал киргизилген шаар жана райондордо 21:00-06:00 сааттар арасы коменданттык саат деп белгиленип, ал убакта көчөдө жүрүүгө тыюу салынды. Ал эми саат 06:00дөн 21:00гө чейин жарандар сыртка үч себеп менен чыга алышат: дүкөндөн азык-түлүк, дарыканадан дары-дармек сатып алуу жана ооруканага баруу үчүн. Сыртка чыкканда жарандардын жанында өздүгүн тастыктоочу документи жана маршруттук кагазы болуш керек.
Пикир
Оставить комментарий