Бишкек, 19.05.20. /Кабар/. Тажикстанда быйыл айт намазы жылдагыдай жамаат менен окулбайт. Бул тууралуу 18-майда өлкөнүн Ислам борборунун уламалар кеңеши билдирди.
Өлкөнүн Дин иштери боюнча комитети мындай чечимдин кабыл алынышына коронавирус эпидемиясы себеп болгонун кабарлады.
18-апрелде тажик бийлиги коронавирус коркунучунан улам мечиттерде жамаат менен намаз окууга тыюу салган.
18-майга карата өлкөдө коронавирусту жугузуп алгандардын саны 1729 адамга жетти. Алардын ичинен 41 бейтап каза болду.
Пикир
Оставить комментарий