Бишкек, 07.06.19. /Кабар/. Түндө "Айчүрөк" соода борборунда (ЦУМ) жаңы курулуп жаткан имаратынын 7-кабатында өрт чыкты. Бул тууралуу Өзгөчө кырдаалдар министрлиги билдирди.
Министрлик билдиргендей, өрт тууралуу маалымат түндө болжол менен саат 01:19да келип түшкөн.
"Жаңы курулуп жаткан имараттын 7-кабатында 4 чарчы метр темир күркөнүн ичинде электр ширетүү жабдуулары жана курулуш шаймандары күйгөн", - деп билдиришти министрликтен.
Өрт болжол менен саат 02:38де өчүрүлгөн.
Учурда өрттүн себеби такталууда.
Пикир
Оставить комментарий