ТИМ: "Екатеринбург - Тамчы" сезондук аба каттамын ачуу жөнүндө алдын ала макулдашуу жетишилди

Бишкек, 17.03.21. /Кабар/. "Екатеринбург - Тамчы" сезондук аба каттамын ачуу жөнүндө алдын ала макулдашуу жетишилди. Бул тууралуу Тышкы иштер министрлигинин басма сөз кызматы билдирет.

"КР менен РФ ортосундагы, атап айтканда Урал Федералдык округунуна кирген россиялык субъектилердин тарабынан туристтик алмашуу үчүн шарттарды түзүү жана жүргүчүлөрдүн авиаташуусун көбөйтүү максатында, Екатеринбург шаарындагы КР Башкы консулдугу менен «Уральские авиалинии» авиакомпаниясынын ортосунда Екатеринбург - Тамчы («Ысык-Көл» эл аралык аэропорту) – Екатеринбург сезондук маршрутун ачуу жана жай мезгилинде Екатеринбургдан Бишкек жана Ош шаарларына аба каттамдарды көбөйтүү мүмкүнчүлүгү жөнүндө алдын-ала макулдашуу жетишилди”, - деп айтылат маалыматта.

Белгилүү болгондой, Екатеринбургдан Тамчыга биринчи аба каттам жакынкы арада күтүлүүдѳ.